( اعذرينى)
اعذريني .. أنا كلي اسف يا ساكنه فيني
أبيع الكون والدنيا ولا اقوى خاطرك ينظام
خذيتيني .. على متن الغرام اللي يوازيني
خذيتي عقلي وروحي وبقى للناس جسمٍ هام
تلوميني .. وأنا دايم على الهقوه تضنيني
حسدتي بعضي لوقتي أجامل كل برقٍ حام
هويتك يا شهاب العز يا مجدٍ يناديني
عشقتك من متون الغيم تسقي خافقٍ منسام
نشى قلبي على صهوة جواد الحب يدعيني
يسابق عاتي الأرياح يعاند كل حظٍ نام
ابقضي الوقت واللي باقي من عمري يباريني
باتعّب كل طرقٍ مال عن دربي برجا وحسام
صروف الوقت لا يمكن تحجب النور عن عيني
أنا لك يا هوى بالي أبيع العمر في إقدام
الخميس نوفمبر 14, 2013 4:11 pm من طرف 
