البكاءما بيسبنيش يوم أوعى تغرك كتابتى كتير وقت بيعدى مفيش نوم
بأفتكر أبويا وأمى وأهلى بلاجى دموعى مش عارف هى رايحة فين
ساعات حاجات تلهينى بس بيكون معايا بكايا طبيبى اللى بيداوينى
بلاجى الهم فى جيوبى بأصرف منة فى دكان جلبى اكل وشرب ودخان
وبيكون لسة الجيب مليان
لو الهم دة فلوس كانت خلصت من زمان
أنا بأكبر كل يوم والعمر صار عمرين اللى يشوفنى يجول خمسين أو ستين
دة اليوم منى ليوم غيرى يساوى سنتين
بأخلص شغلى فى صحرا الحمد للة مشرف ومالى العين واللة بتبجا أمان
ودة كلة واللة بدعا الوالدين
وفى وكت أجازتى بأمشى فى كل مكان على البحر شوية ودنيا كبيرة
بس مليان أحزان
بأرجع بيتى وبأرتاح مع عم على راجل طيب وفاتح دكان بأحكيلة ويحكيلى
ويجولى يا ولدى أنت لسة صغير سيب الهم وعيش سلطان
بأدخل بيتى وبأسند ضهرى على حيطة وبيتهيألى أنا بجيت عيان
أشكى لمين فينك يا أما أنتى وأبويا فين الصحبة والخلان
نفس فى بلدى جال أية الهوية .... خدوها الهوية عاوز أزور أمى وأبويا وأجرا لهم قرآن
مصبرانى بنية بأشوفها بتمسح ليا دمع العين نفسى أجوزها بس خايف من الزمن
عم على بيجولى دى أكبر منك بشويتين
بس الطيبة فيها وكمان أهلها اللى شالونى فى ننى العين
بأنام بالليل وأتململ نفسى فى يد تطبطب عليا لما أتعب تجيب لى المية والبرشام
لما أتعب بتفوتى صلا وأتنين
ساعات الباب بيخبط بأعمل نفسى أنا نعسان حأتعبها معايا يا ربى كفاية
حأرجع بلدى وهى معايا
كفايةعلشان مش جادر لا مش حأكتب تانى خواطر
ولو عرفتوا أنا مين حتسيبو المنتدى وتجونى ماشيين.................
الخميس نوفمبر 14, 2013 4:11 pm من طرف 
